"სამწუხაროა, რომ ვბრდუნდებით იმ დროში, როცა საქართველოში ტელევიზიები გახსნის ნაცვლად იხურება", აღნიშნულის შესახებ საუბარია „ერთიანი ნაციონალური მოძრაობის" განცხადებაში. განცხადებაში ასევე აღნიშნულია, რომ „ამასთან, აღსანიშნავია რომ პრემიერის მრჩეველმა გია ხუხაშვილმა დაადასტურა რომ მე-9 არხი სწორედაც, რომ პოლიტიკური პროექტია როცა მან აღნიშნა, რომ არხის კომერციულ ორგანიზაციად გადაკეთებას დიდი დრო დასჭირდება.
„დარწმუნებულნი ვართ, ბიძინა ივანიშვილი არ დახურავდა საკუთარი ოჯახის ტელევიზიას, რომ არ იყოს დარწმუნებული იმაში, რომ რომელიმე მთავარი ნაციონალური არხი არ გაატარებს მის პოლიტიკურ ინტერესებსა და ხაზს. თუ რომელი ტელევიზია ჩამოყალიბდება ივანიშვილის ჯიბის ტელევიზიად ამას მომავალი გვაჩვენებს.
ამ თვალსაზრისით ასევე უნდა გავიხსენოთ უმრავლესობის ერთ-ერთი ლიდერის ქალბატონ ელისო ჩაფიძის 8 მაისის განცხადება, როდესაც მან მთავრობის მიერ კონტროლირებადი ტელევიზიების არსებობა დაადასტურა. შეგვიძლია ვივარაუდოთ, რომ ამგვარ ტელევიზიად ქალბატონი ჩაფიძის მიერ ნახსენები ერთ-ერთი ტელევიზია ჩამოყალიბდება"- ნათქვამია განცხადებაში.
„ამავე დროს, გვსურს გამოვხატოთ წუხილი იმასთან დაკავშირებით რომ ბოლო წლების განმავლობაში ყველაზე დაბალანსებულ მაუწყებლად საყოველთაოდ აღიარებული საქართველოს საზოგადოებრივი მაუწყებელი უკვე ექცევა ქართული ოცნების კონტროლს ქვეშ რასაც აჩვენებს ტრადიციულად ქცეული, ევროკავშირის ეგიდით ყოველი არჩევნების წინ ჩატარებული მედია მონიტორინგი. აღნიშნული მონიტორინგი სხვადასხვა მედია საშუალებების დაბალანსებულობის ყველაზე მიუკერძოებელ საზომად დიდი ხანია აღიარებული,"- აღნიშნა პარლამენტის წევრმა გიორგი კანდელაკმა.
„ამგვარი სავალალო მდგომარეობა გაკვირვებას არ იწვევს თუ გავითვალისწინებთ იმას, რომ შევარდნაძის ეპოქის ერთ-ერთი სიმბოლო დღეს კი პრემიერ-მინისტრის მრჩეველი კოკა ყანდიაშვილი ფაქტიურად წარმართავს საზოგადოებრივი მაუწყებლის საინფორმაციო პოლიტიკას და აქტიურად ერევა სიუჟეტების შინაარსში," დასძინა მან.