ამის შესახებ განცხადება ცენტრალური საარჩევნო კომიიის საზოგადოებასთან ურთიერთობის მენეჯერნა ეკა აზარაშვილმა დღეს გამართულ საგანგებო პრესკონფერენციაზე გააკეთა.

"ამ ეტაპზე მიზეზებზე ვერ ვისაუბრებ.როგორც ჩემთვის ცნობილია, 15 აგვისტოს ბატონი ზურაბი თავად აპირებს განცხადების გაკეთებას და ის ასევე გააკეთებს განმარტებებს, თუ რა გახდა აღნიშნული გადაწყვეტლების მიზეზი. მე, როგორც ცესკო-ს სპიკერი, ამ შემთხვევაში მის პირად გეგმებთან დაკავშირებით ვერ ვისაუბრებ,"- განაცხადა ეკა აზარაშვილმა.

რაც შეეხება საკითხის შემდგომ სამართლებრივ პროცედურებს, ცესკო-ს თავმჯდომარის უფლებამოსილების შეწყვეტიდან არაუგვიანეს 15 დღისა, პრეზიდენტი სამოქალაქო სექტორთან კონსულტაციების შემდეგ, თავმჯდომარის თანამდებობაზე ცესკო-ს 3 კანდიდატურას წარუდგენს.

ცენტრალური საარჩევნო კომიიის ახალ თავმჯდომარეს ცესკო-ში პარტიების მიერ დანიშნული, ამ კონკრეტულ შემთხვევაში კოალიცია "ქართული ოცნების" წევრები 5 დღის ვადაში ირჩევენ. თუ აღნიშნული წესით ცესკო-ში გადაწყვეტილება ვერ იქნა მიღებული, მაშინ, საქართველოს პარლამენტი ცესკოს-ახალ თავმჯდომარეს იმავე კანდიდატურებისგან 7 დღის ვადაში ირჩევს.