საქართველოს უმაღლესი საკანონმდებლო ორგანოს თავმჯდომარე ვახტანგ ხმალაძე ცენტრალური საარჩევნო კომისიის თავმჯდომარე ზურაბ ხარატიშვილის მიერ თანამდებობიდან გადადგომის შესახებ მიღებულ გადაწყვეტილებას ამ ეტაპზე მიზანშეწონილად არ მიიჩნევს.
როგორც ხმალაძემ "ჯი-ეიჩ-ენთან" საუბრისას აღნიშნა, აქტიურ წინასაარჩევნო პერიოდში შესაძლოა, მსგავს გადაწყვეტილებას გარკვეული ტიპის დეზორგანიზაცია მოჰყვეს.
ამასთან, ვახტანგ ხმალაძისთვის გაუგებარია რა შეიძლება ყოფილიყო ხარატიშვილის მიერ მსგავის გადაწყვეტილების მიღების საფუძველი.
"მე არასოდეს მსმენია, რომ ხარატიშვილს ხელისუფლების მხრიდან მისი მისამართლით დაფიქსირებულ რაიმე სახის გადაცდომაზე პრეტენზია გამოეთქვა. არ მიმაჩნია ამ დროს მისი თანამდებობიდან გაგადგომის შესახებ გადაწყვეტილება მიზანშეწონილი იყოს, მოგეხსენებათ აქტიური წინასაარჩევნო პერიოდია და აღნიშნულმა შესაძლოა, გარკვეული ტიპის დეზორგანიზაციაც გამოიწვიოს,"- განაცხადა ხმალაძემ .
მისივე თქმით, მიუხედავად იმისა, დააკმაყოფილებს თუ არა პარლამენტი ზურაბ ხარატიშვილის განცადებას, საჯარო სამსახურის შესახებ კანონის თანახმად, პარლამენტის მიერ მის თანამდბობიდან გადადგომის თაობაზე გაკეთებულ განცხადებაზე უარის თქმის შემთხვევაში, გარკვეული ვადის შემდეგ, მას უფლება ექნება სამსახურიდან წავიდეს.
"როდესაც თანამდებობიდან წასვლის შესახებ განცხადება კეთდება, არსებობს საჯარო სამსახურის შესახებ კანონის წესები, თუ პარლამენტმა მას უარი უთხრა, გარკვეული ვადის შემდეგ, მას შეეძლება სამსახური დატოვოს. მაგალითად, როდესაც მინისტრი წერს განცხადებას და პარლამენტი არ დააკმაყოფილებს, ერთი თვის შემდეგ, მას უფლება აქვს სამსახური დატოვოს. ზუსტად არ მახსოვს ცესკო-ს თავმჯდომარის შემთხვევაში რა პროცედურებია, თუმცა პარლამენტის მიერ მის გათავისუფლებაზე უარის თქმის შემთხვევაში, გარკვეული ვადის შემდეგ, მას უფლება აქვს თანამდებობა დატოვოს,"- აღნიშნა "ჯი-ეიჩ-ენთან" საუბრისას ვახტანგ ხმალაძემ.
ცნობისთვის, ცენტრალური საარჩევნო კომისიის თავმჯდომარემ ზურაბ ხარატიშვილმა პარლამენტს თანამდებობიდან გათავისუფლების თაობაზე განცხადებით უკვე მიმართა.
