საქართველოს ცენტრალურ საარჩევნო კომისიაში ცესკო-ს თავმჯდომარე ზურაბ ხარატიშვილის თანამდებობიდან გადადგომას არც უარყოფენ და არც ადასტურებენ.
როგორც "ჯი-ეიჩ-ენს" ცენტრალური საარჩევნო კომისიის საზოგადოებასთან ურთიერთობის განყოფილების უფროსმა ქეთევან ჯანელიძემ განუცხადა, დღეს 15:00 საათზე ცესკო-ში საგანგებო ბრიფინგია დაგეგმილი და ყველა მნიშვნელოან კითხვას პასუხი გაეცემა.
"ამ ეტაპზე ვერანაირ ინფორმაციას ვერც დაგიდასტურებთ და ვერც უარვყოფ. მე კომენტარების გაკეთების უფლება არ მაქვს. დღეს 15:00 საათზე მნიშვნელოვან საკითხზე ბრიფინგია დაგეგმილი და ყველა კითხვაზე პასუხი გაეცემა,"- განაცხადა ქეთევან ჯანელიძემ.
ცნობისთვის, დაუდასტურებელი ინფორმაციით, ცენტრალური საარჩევნო კომისიის თავმჯდომარე ზურაბ ხარატიშვილმა თანამდებობა დატოვა.