20 წელზე მეტია აშშ ხელს უწყობს შავ ზღვაში საზღვაო უსაფთხოებას,"- ამის შესახებ საქართველოში ამერიკის შეერთებული შტატების ელჩმა რიჩარდ ნორლანდმა ამერიკის საზღვაო სამხედრო ხომალდ "BULKELEY"-ზე გამართული საზეიმო ღონისძიების დასრულების შემდეგ ჟურნალისტებთან საუბრისას განაცხადა.
მისი თქმით, "საქართველოს შეირაღებულ ძალებთან ორმხრივი თანამშრომლობა წარმატებით მიმდინარეობს და ის მომავალშიც გაგრძელდება".
"ამერიკული გემის ვიზიტის გზავნილი ძალიან მარტივია. 20 წელზე მეტია აშშ ხელს უწყობს შავ ზღვაში საზღვაო უსაფთხოებას. საქართველოს შეირაღებულ ძალებთან ორმხრივი თანამშრომლობა წარმატებით მიმდინარეობს. ეს მომავალშიც გაგრძელდება იმისთვის, რომ რეგიონში მშვიდობა უზრუნველყოფილი იყოს", - განაცხადა რიჩარდ ნორლანდმა.
ცნობისთვის, ბათუმში ორდღიანი ვიზიტით ჩამოსულ ამერიკის შეერთებული შტატების სამხედრო საზღვაო ხომალდ "BULKELEY"-ზე ოფიციალური საზეიმო ღონისძიება გუშინ გაიმართაა, რომელსაც საქართველოს პრეზიდენტი მიხეილ სააკაშვილი და პრემიერ-მინისტრი ბიძინა ივანიშვილი დაესწრნენ.
აღნიშნულ ღონისზიებაზე საქართველოს ხელისუფლების უმაღლესი პოლიტიკური თანამდებობის პირებს მასპინძლობას საქართველოში ამერიკის შეერთებული შტატების ელჩი რიჩარდ ნორლანდი და ხომალდ "BULKELEY"-ს კაპიტანი უწევდნენ.
საზეიმო ღონისძიებას საქართველოს უმაღლესი საკანონმდებლო ორგანოს თავმჯდომარე დავით უსუფაშვილი, თავდაცვის მინისტრი ირაკლი ალასანია, შინაგან საქმეთა მინისტრი ირაკლი ღარიბაშვილი, ენერგეტიკის მინისტრი და ვიცე-პრემიერი კახი კალაძე, საგარეო საქმეთა მინისტრი მაია ფანჯიკიძე და ხელისუფლების სხვა წარმომადგენლებიც დაესწრნენ.
ამერიკული სამხედრო საზღვაო ხომალდი "BULKELEY" საქართველოს ტერიტორიულ წყლებში 10 აგვისტოს შემოვიდა. 2 დღიანი ვიზიტის ფარგლებში დაგეგმილია ფართომასშტაბიანი სამხედრო წვრთნები .
