დღეს დილის, 7 საათზე აჭარის ა.რ. ჯანმრთელობისა და სოციალური დაცვის მინისტრმა ნუგზარ სურმანიძემ აჭარის მთავრობის თავმჯომარესთან არჩილ ხაბაძესთან მინისტრთა კაბინეტის წევრებთან და რეინტეგრაციის საკითხში სახელმწიფო მინისრტთან პაატა ზაქარეიშვილთან ერთად მუსლიმ მრევლს ბათუმის მეჩეთში ბაირამი მიულოცა. პაატა ზაქარეიშვილმა მეჩეთში შეკრებილ მლოცველებს საქართველოს პრემიერ-მინისტრის ბიძინა ივანიშვილის მილოცვა გადასცა."მიხარია, რომ აჭარაში ქრისტიანები და მუსლიმები ერთად მშვიდობიანად და მეგობრულად ცხოვრობენ. არიან ძალები, რომლებიც ცდილობენ კონფლიქტური კერები შეიქმნას, მაგრამ ჩვენ ერთად ვუმკლავდებით მსგავს პრობლემებს და ერთიანი ძალებით ვაშენებთ ჩვენს რეგიონს და ქვეყანას. ვულოცავ ჩვენს მუსლიმ თანამემამულეებს ბაირამს. ვუსურვებ ჯანმრთელობას, მშვიდობას და კეთლდღეობას." - აღნიშნა არჩილ ხაბაძემ.მუსლიმანური სამყარო დღეს რამაზან-ბაირამის დღესასწაულს აღნიშნავს. დღესასწაული 30 დღიანი მარხვის დასასრულს ეძღვნება და სამ დღეს გრძელდება. ამ დღეს მორწმუნეები ერთმანეთს ბაირამს ულოცავენ და წინაპრების საფლავების მოსანახულებლად მიდიან
