პოლონეთის ყოფილი პრემიერ-მინისტრისა და საქართველოში ვიზიტით მყოფი პოლონეთის დელეგაციის ხელმძღვანელის იაროსლავ კაჩინსკის განცხადებით, საერთაშორისო საზოგადოების რუსეთზე ზეწოლით უნდა მოხდინოს საქართველოს დეოკუპაცია. როგორც ,,რუსთავი-2"-თან ინტერვიუში იაროსლავ კაჩინსკიმ განაცხადა, მისთვის ე.წ. სასაზღვრო ზოლის გადმოწევა მიუღებელია.
,,ყველაფერი უნდა მოხდეს საერთაშორისო ნორმების ფარგლებში, ე.წ. სასაზღვრო ზოლის გადმოწევა მიუღებელია. საქართველოს გზა უნდა იყოს ევროპისკენ, ევროკავშირისკენ და ნატოსკენ. ამ ორგანიზაციის წევრობით საქართველო შეძლებს ყველა ამ პრობლემის მოგვარებას, რადგან ამ ორ ინსტიტუტს დიდი ძალა აქვს. რა თქმა უნდა, ეს ადვილი საქმე არ არის, მაგრამ უნდა ითქვას, რომ პრობლემები რუსეთსაც აქვს. ამიტომ შეგვიძლია, რომ იმედი გვქონდეს ისეთი ქვეყნებისთვის როგორიც საქართველო და პოლონეთია უკეთესი დრო დადგება", _განაცხადა იაროსლავ კაჩინსკიმ.
