დღეს, 27 ივლისს, „ერთიანი ნაციოანალური მოძრაობა" საპრეზიდენტო კანდიდატის გამოსავლენ მორიგ პრაიმერს გამართავს. დელეგატების რეგისტრაცია თბილისში „ექსპო ჯორჯიას" საგამოფენო ცენტრში 14:00 სააათზე დაიწყება, ხოლო დებატები 15:00 საათზე.
ნაციონალური მოძრაობის საპრეზიდენტო კანდიდატის გამოსავლენ პრაიმერში დავით ბაქრაძე, გიორგი ბარამიძე, ზურაბ ჯაფარიძე და შოთა მალაშხია იღებენ მონაწილეობას.
ქუთაისში, გორში, თელავში, ზუგდიდში და ბათუმში გამართულ პრაიმერში დავით ბაქრაძემ გაიმარჯვა.
თითოეულ კანდიდატს დებატების დაწყებამდე მისი მხარდამჭერი წარადგენს, რისთვისაც წარმდგენს 5 წუთიანი რეგლამენტი აქვს გამოყოფილი. დებატებს ირმა ნადირაშვილი გაუძღვება.
სასურველი კანდიდატებისთვის ხმის მიცემა ინტერნტით, პარტიის ვებგვერდზეც არის შესაძლებელი.
როგორც პრაიმერის საორგანიზაციო ჯგუფს ხელმძღვანელმა გიორგი ვაშაძემ განმარტავს, ამ შემთხვევაშიც სრულად არის დაცული ხმის მიცემის ფარულობა და იმის ინდენტიფიცირება თუ რომელმა ამომრჩეველმა რომელ კანდიდატს მისცა ხმა ფაქტობრივად შეუძლებელია.
ვაშაძის თქმით, ერთი IP მისამართიდან შესაძლებელი იქნება მხოლოდ სამი ხმის მიცემა. რაც შეხება სარეგისტრაციო მონაცმებს, მისი შევსება საჭიროა მხოლოდ და მხოლოდ ამომრჩევლის რეგისტრაცისთვის და ეს მონაცემები არ იდენტიფიცირდება ხმის მიცემასთან.
"ნაციონალური მოძრაობის" პრაიმერის ფონზე დღეს ოპოზიციური პარტია "თავისუფალი საქართველო", ასევე, არასამთავრობო ორგანიზაცია "ყოფილი პოლიტპატიმრები ადამიანის უფლებებისთვის" საპროტესტო აქციის გამართვას გეგმავს.