საქართველოს შინაგან საქმეთა მინისტრი ირაკლი ღარიბაშვილი ოფიციალური ვიზიტით ავსტრიის რესპუბლიკაში გაემგზავრა.
ვიზიტის ფარგლებში, ხელი მოეწერება „ავსტრიის ფედერალურ მთავრობასა და საქართველოს მთავრობას შორის ევროკავშირსა და საქართველოს შორის უნებართვოდ მცხოვრებ პირთა რეადმისიის შესახებ" შეთანხმების საიმპლემენტაციო ოქმს. ავსტრიის მხრიდან ოქმს ხელს მოაწერს ავსტრიის შინაგან საქმეთა მინისტრი იოანნა მიკლ-ლაიტნერი.
აღნიშნული დოკუმენტი განსაზღვრავს რეადმისიის შესახებ ევროკავშირთან გაფორმებული შეთანხმების საიმპლემენტაციო დებულებებს და არეგულირებს კონკრეტულად საქართველოსა და ავსტრიის რესპუბლიკას შორის აღნიშნულ სფეროში თანამშრომლობის დეტალებს.
საქართველოს შინაგან საქმეთა მინისტრი ასევე შეხვდება ეუთო-ს გენერალურ მდივან ლამბერტო ზანნიერს. შეხვედრაზე მხარეები ისაუბრებენ ოკუპირებულ ტერიტორიებზე ადამიანის უფლებათა დაცვის მდგომარეობაზე, ასევე განიხილავენ საქართველოს შს სამინისტროში უკანასკნელ პერიოდში განხორციელებული რეფორმებს, თანამშრომლობის სამომავლო გეგმებსა და პრესპექტივებს.
მინისტრის ვიზიტი 11 ივლისს დასრულდება.