,,წლის ბოლომდე 100 ახალი საწარმოს დაფინანსებას მოვახერხებთ",- განაცადა ჟურნალისტებთან შეხვედრისას ბიძინა ივანიშვილმა.
მისივე განცხადებით, ეკონომიკური პოლიტიკა, ის დაპირებები, რომელიც კოალიციამ წინასაარჩევნოდ გასცა მთავრობა წარმატებით ასრულებს.
,, იმ დროში რაშიც დავგეგმეთ სოფლის მეურნეობის სამუშაოების ჩატარება, ეს ამ დროში მოხერხდა. ვფიქრობ, საკმაოდ წარმატებით. ყველაზე საინტერესო რაც ჩემთვის განსაკუთრებით ბოლო ეტაპებზე ყურადღებას იქცევს, ეს გახლავთ, მინიმალური, 60 საწარმოს დაფუძნება, რომელსაც მე არჩევნების პროცესში ვამბობდი. მოგახსენებთ, რომ 81 კრედიტია გაცემული შვიდ წლამდე, რომელიც ძირითადად საწარმოების ჩამოყალიბებას ემსახურება და სესხის პროცენტის მაქსიმალური გადასახადი 3 პროცენტამდეა. ამას სუფსიდირებას უკეთებს სოფლის მეურნეობის განვითარების ფონდი", _ განაცხადა ივანიშვილმა და აღნიშნა, რომ ახალი 24 კრედიტის გაცემაც განიხილება, რომელიც უნდა მოხმარდეს კვლავ საწარმოების მშენებლობას.
