სტამბულში, საქართველოს საპარლამენტო დელეგაცია, დავით უსუფაშვილის ხელმძღვანელობით ეუთოს საპარლამენტო ასამბლეის მონაწილე, აშშ-ის დელეგაციის ხელმძღვანელს, სენატორ როჯერ უიკერს, ეუთოს საპარლამენტო ასამბლეის ვიცე-პრეზიდენტ რობერტ ადერჰოლტს და აშშ-ის დელეგაციის ხელმძღვანელის მოადგილეს, სპეციალურ წარმომადგენელს ტრეფიკინგის საკითხებზე კრისტოფერ სმიტს შეხვდა.
შეხვედრას ესწრებოდნენ საქართველოს პარლამენტის ვიცე-სპიკერი ზურაბ აბაშიძე, ევროინტეგრაციის კომიტეტის თავმჯდომარე ვიქტორ დოლიძე და პარლამენტის წევრი, ეუთოს საპარლამენტო ასამბლეის ვიცე-სპიკერი, გიგი წერეთელი.
საქართველოს პარლამენტის თავმჯდომარემ აშშ-ის დელეგაციას მოკლედ გააცნო საქართველოში მიმდინარე პოლიტიკური პროცესები და რეფორმები. პარლამენტის თავმჯდომარემ ხაზი გაუსვა ეუთოს სადამკვირვლებლო მისიის აღდგენის აუცილებლობას საქართველოს ტერიტორიაზე და რუსეთის მიერ განხორციელებულ ბოლოდროინდელ ქმედებებზე გაამახვილა ყურადღება.
შეხვედრაზე საუბარი შეეხო ვილნიუსში გასამართ სამიტსაც. აშშ-ის დელეგაციის წევრებმა გამოხატეს საქართველოსადმი სრული მხარდაჭერა და ქვეყნის დემოკრატიული განვითარების პროცესში დახმარების მზაობა გამოთქვეს. დავით უსუფაშვილმა სენატორ როჯერ უიკერსი საქართველოში ოფიციალური ვიზიტით მოიწვია.