სტამბულში ვიზიტის ფარგლებში, დავით უსუფაშვილი ეუთოს საპარლამენტო ასამბლეის სხდომაზე დამსწრე უკრაინის დელეგაციის ხელმძღვანელს, ოლეგ ზარუბინსკის შეხვდა.
შეხვედრაზე, რომელსაც საქართველოს პარლამენტის წევრები ზურაბ აბაშიძე და ვიქტორ დოლიძე ესწრებოდნენ, ორი მეგობარი ქვეყნის საერთო წარსულზე და მიმდინარე პოლიტიკურ პროცესებზე ისაუბრეს.
უკრაინულმა მხარემ ხაზი გაუსვა „სუამ"-ის მნიშვნელობას და ამ ფორმატში თანამშრომლობის გააქტიურების აუცილებლობას. აგრეთვე მხარეებმა ისაუბრეს ორი ქვეყნის პარლამენტში არსებული მეგობრობის ჯგუფების სამუშაო გრაფიკის შედგენაზე და გაცვლითი ვიზიტების აუცილებლობაზე.
დავით უსუფაშვილმა უკრაინელი კოლეგები საქართველოში მოიწვია.