,,პრეზიდენტი ფიქრობს და ვარაუდობს, რომ პოლიტიკა არ უნდა გახდეს სავაჭრო თემა", _ განაცხადა პრეზიდენტის პრესსპიკერმა მანანა მანჯგალაძემ, კოკი იონათამიშვილის მიერ პრეზიდენტისთვის მიწერილი წერილის საპასუხოდ.
,,მე შემიძლია მოკლედ გაგცეთ პასუხი და ამაზე მეტ საუბარს აღარ გავაგრძელებ. პრეზიდენტი ფიქრობს და ვარაუდობს, რომ პოლიტიკა არ უნდა გახდეს სავაჭრო თემა", _ განაცხადა მანჯგალაძემ.
შეგახსენებთ, რომ კოკი იონათამიშვილმა ,,ნაციონალური მოძრაობა" დატოვა. მისივე განმარტებით, ის საკრებულოში დამოუკიდებელ დეპუტატად გააგრძელებს მუშაობას და ,,ქართულ ოცნებაში" გადასვლას არ გეგმავს. დღესვე, პრეზიდენტის ადმინისტრაციამ გაავრცელა კოკი იონათამიშვილის მიერ მიხეილ სააკაშვილისადმი მიწერილი წერილი, სადაც ის პრეზიდენტს ვალების გასტუმრებაში დახმარებას სთხოვს.
