2013 წლის ოქტომებრს ჩანიშნული, საპრეზიდენტო კანდიდატის გამოსავლენად „ნაციონალური მოძრაობის" მიერ მოწყობილ პრაიმერში ამ დროისათვის არსებული ინფორმაციით ოთხი კანდიდატი მიიღებს მონაწილეობას.
პრაიმერში დავით ბაქრაძე, ზურაბ ჯაფარიძე, გია ბარამიძე და პაატა ლეჟავა ჩაერთვებიან.
„ეს პროცესი იქნება საკმაოდ ღია და გამჭვირვალე, მასში მონაწილეობას მიიღებს სრულიად საქართველოს მოსახლეობა,"-ამბობს საპარლამენტო უმცირესობის წევრი ლევან ბეჟაშვილი.
მისივე თქმით, პრაიმერი 28 ივნისიდან 28 ივლისის ჩათვლით ჩატარდება და მასში პარტიის მიმართ თავიანთი მიდგომების ჩამოყალიბების საშუალება მოქალაქეებსაც მიეცემათ.