კოალიცია ,,ქართული ოცნების" საპრეზიდენტო კანდიდატი გიორგი მარგველაშვილი მიხეილ სააკაშვილს საპრეზიდენტო არჩევნების კონკრეტული თარიღის დანიშვნისკენ მოუწოდებს. როგორც ჟურნალისტებთან მარგველაშვილმა განმარტა პრეზიდენტს უჭირს იმ ფაქტთან შეგუება, რომ პრეზიდენტის პოსტი უნდა დატოვოს.
"პრეზიდენტს ძალიან უჭირს ის ფაქტი, რომ პოსტიდან მიდის, რაც გამოიხატება იმაში, რომ ნებისმიერ ქმედებას, რომელსაც ვახორციელებ, ის ან ვეტოს ადებს ან აწყობს განსაკუთრებულ ღონისძიებებს. შეეჩვიოს იმას რომ მიდის, აღიაროს ის, რომ წააგო და დანიშნოს არჩევნების დღე, მერე შეიძლება უფრო გაუადვილდეს მთელი ეს პროცესი", - განაცხადა გიორგი მარგველაშვილმა.
