საქართველოს პრეზიდენტობის სახალხო კანდიდატი, ნესტან კირთაძე სამეგრელოში გაემგზავრა.
სამეგრელოში სამუშაო ვიზიტის ფარგლებში დაგეგმილია პროფესორ ნესტან კირთაძის შეხვედრები ზუგდიდის უნივერსიტეტების სტუდენტებთან და პროფესორ-მასწავლებლებთან; სამუშაო შეხვედრები პრეზიდენტობის კანდიდატის საინიციატივო-მხარდამჭერ ჯგუფებთან; შეხვედრები ზუგდიდში, აბაშაში, სენაკსა და მარტვილში.
"დღეს პრეზიდენტობის სახალხო კანდიდატი, ნესტან კირთაძე ზუგდიდში შტაბ-ბინას გახსნის. შეგახსენებთ, რომ „ქართულ-აფხაზური და ოსური საერთაშორისო მოძრაობის" პრეზიდენტი ნესტან კირთაძე სწორედ ზუგდიდში, სხვადასხვა სამოქალაქო მოძრაობის წარმომადგენლებმა დაასახელეს პრეზიდენტობის სახალხო კანდიდატად და ნესტან კირთაძის საპრეზიდენტო-საარჩევნო კამპანია სწორედ, ზუგდიდან და სამეგრელოდან დაიწყო", - იუწყება კირთაძის პრესსამსახური.
