ალექსანდრე კვირტაშვილმა თსუ-ს რექტორის თანამდებობა დატოვა. კვირტაშვილის განცხადებით მან პოსტის დატოვებასთან დაკავშირებით უნივერიტეტის აკადემიურ საბჭოს მიმართა და საბჭოს წევრებმა ეს განცხადება დააკამაყოფილეს. როგორც კვიტაშვილმა ჟურნალისტებთან განმარტა მისი გადაწყვეტილების მიზეზი ,,უმაღლესი განათლების შესახებ" კანონში შესატანი ცვლილებებია.
"განათლებისა და მეცნიერების სამინისტროს პოლიტიკაა, რომ რექტორი აუცილებლად უნდა იყოს უმაღლესი აკადემიური ხარისხის მატარებელი. ვფიქრობ, "უმაღლესი განათლების შესახებ" კანონში შესატანი ცვლილებები უნივერსიტეტების ავტონომიაში უხეშ ჩარევას წარმოადგენს, თუმცა, რადგან ესაა პოლიტიკის განმსაზღვრელი ქვეყანაში, მე ვარ კანონმორჩილი", - აღნიშნა კვიტაშვილმა და აღნიშნა, რომ
უნივერსიტეტის აკადემიური საბჭოს თხოვნით, ახალი რექტორის არჩევამდე რექტორის მოვალეობას თავად შეასრულებს. "
,,საბჭომ მიიღო გადაწყვეტილება ნაწილობრივ დაეკმაყოფილებინა ჩემი თხოვნა გადადგომის შესახებ. დღესვე გამოცხადდა ახალი კონკურსი უნივერსიტეტის რექტორის თანამდებობაზე იმ მოთხოვნებით, რომლებიც გათვალისწინებული ახალი კანონპროექტით - ანუ შემდგომ რექტორს აუცილებლად უნდა ჰქონდეს დოქტორის წოდება. ჩვენ გვაქვს დაახლოებით ორთვიანი ვადა. ამ პერიოდში ჩატარდება ახალი არჩევნები არსებული საბჭოს მიერ", _განაცხადა კვიტაშვილმა.
