"ერთიანი ნაციონალური მოძრაობის" გენერალური მდივნის ვანო მერაბიშვილის მხარდამჭერ აქციაზე ქუთაისში, იმერეთის სამხარეო პოლიიცის წინ, საჯარო მოხელეების აბსოლუტური უმრავლესობა იმყოფება.
„ჩემთვის ამ ეტაპზე მნიშვნელოვანია პოლიტიკური მოსაზრებები და არა კაბინეტში ჯდომა. ღამის გათენება, რომ დამჭირდეს ამ გაცდენილ საათებს მომავალ დღეებში ავინაზღაურებ. მე აქ ვდგავარ იმისათვის, რომ ყველაზე წარმატებულ მინისტრს მხარი დავუჭირო. სირცხვილია, როცა ხელისუფლება კაცის მკვლელებს, პედოფილებს და ყაჩაღებს ციხეებიდან უშვებს და მათ ადგილზე ყველაზე წარმატებულ მინისტრსა და გუბერნატორს არარსებული ბრალდებებით აკავებენ"- განაცხადა ქუთაისის ვიცე-მერმა ამირან ძოწენიძემ.
შეგახსენებთ, რომ მერაბიშვილისა და ზურაბ ჭიაბერაშვილის მხარდამჭერი აქცია ამ წუთებში სამხარეო პოლიციასთან და ერთიანი ნაციონალური მოძრაობის საქალაქო ორგანიზაციასთან ერთდროულად მიმდინარეობს.