ქუთაისის საქალაქო სასამართლოსთან ამ წუთებში პარტია „საქართველოს პატრიოტთა ალიანსის" ლიდერები, არასამთავრობო ორგანიზაციები და ადამიანის უფლებათა დამცველები აქციას მართავენ. აქციის მონაწილეები სასამართლოს მოუწოდებენ, ობიექტურად მოხდეს მერაბიშვილისა და ჭიაბერაშვილის საქმის პროცესის გამოძიება. აქციის მონაწილეებმა ასევე 2011 წლის 26 მაისს ნაციონალური მოძრაობის ხელისუფლებაში ყოფნის დროს დარბეული აქციის ფოტოები გამოფინეს.
„ჩვენ მოვითხოვთ მაქსიმალურად ობიექტურად მოხდეს ჭიაბერაშვილისა და მერაბიშვილის საქმის განხილვა, რადგან ამ ადამიანების მიმართ საზოგადოების ინტერესი დიდია. ვიმედოვნებ რომ სასამართლო გაითვალისწინებს მათ წარსულს და მათ მიერ მიღებულ გადაწყვეტილებებს ხელისუფლებაში მყოფნის დროს", - განაცხადა ნანა კაკაბაძემ.
შეგახსენებთ, რომ მერაბიშვილისა და ზურაბ ჭიაბერაშვილის მხარდამჭერი აქცია ამ წუთებში სამხარეო პოლიციასთან და ერთიანი ნაციონალური მოძრაობის საქალაქო ორგანიზაციასთან ერთოდულად მიმდინარეობს.