როგორც 2012 წლის დეკლარაციიდან ირკვევა, ბოლო ორი წლის განმავლობაში საქართველოს პრეზიდენტი ორი მიწის ნაკვეთის მფლობელი გახდა. პრეზიდენტი მიწის ნაკვეთს კახეთის გარდა, მცხეთა-მთიანეთშიც ფლობს. 2012 წელს წარდგენილ (16/05/2012) ქონებრივ დეკლარაციაში მითითებულია, რომ მიხეილ სააკაშვილის მფლობელობაშია ყვარელში, (ლამიანების დასავლეთით) მდებარე მიწის ნაკვეთი, რომლის ფართობიც - 6820.0 კვ.მ-ს შეადგენს და სახლი 97.0 კვ.მ-ი ფართობით.
სააკაშვილის მფლობელობაშია ასევე მცხეთა-მთიანეთში, უფრო კონკრეტულად კი დაბა გუდაური მდებარე 500.0 კვ.მ მიწის ფართობი.

2010 წელს წარდგენილ ქონებრივ დეკლარაციაში, რომელიც 15 მაისით თარიღდება უშუალოდ მიხეილ სააკაშვილის მფლობელობაში უძრავი ქონება არ ირიცხება. დეკლარაციაში მითითებულია მხოლოდ მის მეუღლეზე სანდრა რულოვსზე გაფორმებული ბარნოვის ქ.#9,-ში მდებარე 154.0 კვ.მ საცხოვრებელი ფართი და 164.0 კვ.მ მანსარდა.

დაბა გუდაურში განთავსებული მიწის ნაკვეთი პრეზიდენტის ქონებრივ დეკლარაციაში მხოლოდ 2011 წლიდან ჩნდება, რასაც შემდგომ 2012 წელს ყვარელში მდებარე მიწის ნაკვეთი და სახლი ემატება.

2012 წლის დეკლარაციით საქართველოს პრეზიდენტმა ყვარლის რაიონში სახლის მშენებლობისთვის 45738.0 ლარი საამშენებლო კომპანია "არტესს" გადაურიცხა. ხოლო მიწის ნაკევთის შესაძენად 33 ათასი ლარი დახარჯა.

საქართველოს პრეზიდენტის ხელფასი "საქართველოს ბანკში" ერიცხება.

2012 წლის დეკლარაციაში აღნიშნულია, რომ მიხეილ სააკაშვილს "საქართველოს ბანკში" სამი მიმდინარე ანგარიშიც გააჩნია. დეკლარაციის შევსებისას მას ანგარიშებზე 34 479.04 დოლარი, 7080.61 ევრო, 22.43 ევრო გააჩნდა. იმავდროულად Societe General-ში (საფრანგეთი) პრეზიდენტი 39000 ევრო ქონდა.

2012 წლის ქონებრივი დეკლარაციით ირკვევა, რომ საქართველოს პრეზიდენტის სამუშაოს შესრულებით წინა წლის პირველი იანვრიდან 31 დეკემბრის ჩათვლით მიღებულმა შემოსავალმა 56 ათას 640 ლარი შეადგინა, ანუ თვეში 4720 ლარი. იგივე შემოსავალი მიიღო პრეზიდენტმა 2011 წლის ქონებრივი დეკლარაციის მიხედვითაც.

უნდა აღინიშნოს, რომ 2012-2011 წლების დეკლარაციების მიხედვით, პრეზიდენტის ხელფასი შემცირებულა, რადგანაც 2010 წლის ქონებრივ დეკლარაციაში აღნიშნულია, რომ სააკაშვილმა ერთი წლის განმავლობაში 59 ათასი ლარი გამოიმუშავა.

პრეზიდენტს და მისი ოჯახის წევრებს ფასიანი ქაღალდები არ გააჩნიათ. ასევე მიხეილ სააკაშვილზე და მის ოჯახის წევრებზე არ ირიცხება მოძრავი ქონება, რომლის ღირებულებაც 10 ათას ლარს აღემატება.

სანდრა რულოვსს 2010 წელს თი-ბი-სი ბანკში საკუთარ ანაბარზე ჰქონდა 30 ათასი ლარი, ხოლო ING BANK ტერნეუზენში 60 ათასი ევრო. 2010 წელს პრეზიდენტის მეუღლეს ჰონორარის სახით მიღებუილი აქვს ათასი ევრო.

2011 წელის დეკლარაციის მიხედვით, სანდრა რულოვსს თი-ბი-სი ბანკში საკუთარ ანაბარზე თანხა შეამცირა 21 ათას აშშ დოლარამდე. ING BANK ტერნეუზენში კი ეს მაჩვენებელი 85 ათას ევრომდე - 25 ათასი ევროთი გაიზარდა. საქართველოს ბანკის მიმდინარე ანგარიშზე კი მას 2 ათასი ლარი ერიცხებოდა.

სანდრა რულოვსის სანაკო ანგარიშებზე რიცხული თანხები 2012 წლის დეკლარაციით 2011 წელს წარდგენილ დეგკლარაციასთან შედარებით არც გაზრდილა და არც მოკლებულა.