უმრავლესობის ერთ-ერთი წარმომადგენლის, დეპუტატ კობა დავითაშვილის განცხადებით "ქვეყანაში არასათანადო სისხლის სამართლის დევნა ხორციელდება". როგორც დავითაშვილმა "პრაიმტაიმის" პრესკლუბში დღევანდელ პრესკონფერენციაზე ჟურნალისტებს განუცხადა "საინტერესოა რატომ არ ხდება 7 ნოემბრის მოვლენების გამოძიება".
"ქვეყანაში არასათანადო სისხლის სამართლის დევნა ხორციელდება, მე მაინტერესებს რატომ არ ახსენებს მთავარი პროკურატურა 7 ნოემბერს. მერაბიშვილის ბრძანებით პოლიციამ გამოიყენა რეზინის ტყვიები. ეს არის დანაშაული რომელსაც დიდი გამოძიებაც არ სჭირდება, ამიტომაც მივმართავ პროკურატურას, რატომ არ შედის ამ ბრალეულობის საქმეში 7 ნოემბრის საქმე? მოვითხოვ განმარტებებს მთავარი პროკურატურისგან", -აცხადებს დავითაშვილი.
