,,დარწმუნებული ვარ, ობიექტური სასამართლოს პირობებში მოხდება მერაბიშვილისა და ჭიაბერაშვილის საქმეების გამოძიება", _განაცხადა ჟურნალისტებთან პარლამენტის თავმჯდომარემ დავით უსუფაშვილმა, ვანო მერაბიშვილისა და ზურაბ ჭიაბერაშვილის დაკავების კომენტირებისას.
,,ამ კონკრეტულ საკითხებში გამოძიების რამდენიმე თვის განმავლობაში წარმოება განპირობებული იყო სწორედ იმით, რომ სამართალდამცავ ორგანოებს თავად სურდათ, რომ დარწმუნებულიყვნენ იყო თუ არა საკმარისი, კონკრეტული საფუძველი, მტკიცებულება ამა თუ იმ პირის პასუხისგებაში მიცემისათვის. ახლა ჯერი სასამართლოზეა და დარწმუნებული ვარ, რომ სამართლიანი და ობიექტური სასამართლოს პირობებში მოხდება ამ კონკრეტული საქმეების გარჩევა და სასამართლო იტყვის თავის სიტყვას", _განაცხადა უსუფაშვილმა.
