უშიშროების საბჭოს მდივნის გიგა ბოკერიას განცხადებით, ,,ნაციონალური მოძრაობის" გენერალურ მდივნის ვანო მერაბიშვილს დაკავება პრემიერ-მინისტრის ბიძინა ივანიშვილის უშუალო მითითებით მოხდა. ამის შესახებ ბოკერიამ ჟურნალისტებთან აშშ-ში ვანო მერაბიშვილის დაკავების კომენტირებისას განაცხადა.
,,იმის ნაცვლად, რომ პრემიერ-მინისტრის და მთავრობა ფოკუსირებული იყოს მოძალადეების დასჯაზე, ქაოსის აღკვეთაზე, იმ სამარცხვინო ძალადობაზე რაც ვიხილეთ, ეკონომიკისა და უმუშევრობის დაძლევაზე ამის ნაცვლად მათი მთავარი ოფსესი პრემიერ-მინისტრის გუნდში პოლიტიკური ოპონენტების განადგურებაა. ეს ძალიან სახიფათო ვითარებაა საქართველოსთვის. მჯერა, რომ ქართული საზოგადოება არ დაუშვებს იმ ამოცანის შესრულებას, რაც აქვს ჩვენს ახალ მთავრობას, კიდევ ერთხელ ხაზს ვუსვამ მისი კრიტიკოსების განადგურება. სიტუაცია არის ძალიან სახიფათო: ძალადობის, ეკონომიკური ვარდნის და პოლიტიკური დევნის ფონზე ვსაუბრობთ დღეს ჩვენ საქართველოში. კიდევ ერთხელ ხაზს ვუსვამ პრემიერ-მინისტრს არაერთხელ უთქვამს საჯაროდ თუ ,,ნაციონალურ მოძრაობა" და მისი ლიდერები გააგრძელებენ მთავრობის კრიტიკას, რაც ნორმალური და ლეგიტიმური საქმეა, გააქტიურდებიან და გაგრძელდება დაჭერები და ამას აკეთებს. მან არაერთხელ თქვა, რომ სხვანაირი ოპოზიცია სურს ბურჯანაძისნაირი", _განაცხადა ჟურნალისტებთან გიგა ბოკერიამ.
მასალის გამოყენების პირობები
