„ყველა უკანონო ჩანაწერი, რომელიც გამოძიებას არ სჭირდება უნდა განადგურდეს" აღნიშნული განცხადება საპარლამენტო უმრავლესობის წევრმა ზურაბ აბაშიძემ „ჰოლიდეი ინში" გააკეთა, სადაც პარლამენტის ადამიანის უფლებათა დაცვის და იურიდიულ საკითხთა კომიტეტების ერთობლივი შეხვედრა გაიმართა.
„ყველა უკანონო ჩანაწერი უნდა განადგურდეს, რომელიც გამოძიებას არ სჭირდება. რა თქმა უნდა არის მასალები, რომლითაც მიმდინარეობს გამოძიება, არის მტკიცებულებები რომლებსაც იურიდიული თვალსაზრისით აქვთ აგრკვეული დატვირთვა, რომელიც სჭირდება კონკრეტულ საქმეს და მათი განადგურება ამ ეტაპზე შეუძლებელი იქნება", - განაცხადა ზურაბ აბაშიძემ.