ალკოჰოლის მწარმოებელმა კომპანიამ „ასკანელი ძმები" „როსპოტრებნადზორს" განცხადებით მიმართა.
ამასთან დაკავშირებით, „ასკანელი ძმები"-ს მენეჯმენტი 16 მაისს, 13:30 საათზე, სასტუმრო „ქორთიარდ მერიოტში" საგანგებო პრესკონფერენციას გამართავს და გავრცელებულ ხმებთან დაკავშირებით განმარტებებს გააკეთებს.
კომპანია „ასკანელი ძმები" 15 წლის წინ დაარსდა და სადღეისოდ ერთ-ერთი წამყვანი კომპანიაა ქართული ელიტარული ალკოჰოლის მწარმოებელ კომპანიებს შორის. კომპანია აწარმოებს 8 სახეობის კონიაკს, 32 დასახელების ღვინოს, 4 დასახელების ჭაჭას. „ასკანელი ძმების" პროდუქცია აღიარებულია საუკეთესოდ და მიღებული აქვს 100-ზე მეტი ჯოლდო სხვადასხვა გამოფენებსა და დეგუსტაცეიბზე. „ასკანელი ძმები"-ს მიერ წარმოებული სასმელები საქართველოშიც დიდი პოპულარობით სარგებლობს და გადის ექსპორტზე აშშ-ში, უკრაინაში, ჩინეთში, გერმანიაში, დიდ ბრიტანეთში, ესტონეთში, ლიტვაში, ლატვიაში, პოლონეთში, ჩეხეთში, ყაზახეთში, ფინეთში, აზერბაიჯანში, ბელორუსიაში. რაც დამატებით ადასტურებს იმას, რომ კომპანია იცავს მაღალ სტანდარტებს და აკმაყოფილებს სხვადასხვა ბაზრის მოთხოვნებსა და პარამეტრებს.
დაუდგენელი წყაროს მიერ ამ დღეებში კომპანიის კონიაკთან დაკავშირებით მედიაში განჩნდა ინფორმაცია, რომლის თანახმად, რუსეთის მთავარი სანიტარული ექიმი გენადი ონიშენკო აცხადებს, თითქოს „ასკანელი ძმები"-ს კონიაკი რუსული ბაზრის სტანდარტს არ აკმაყოფილებს.
„ასკანელი ძმები"-ს მენეჯმენტი ამ ინფორმაციას გაუგებრობას უკავშირებს და ამასთან დაკავშირებით განცხადებებს მედიასთან შეხვედრის დროს გააკეთებს.