სირიის სახელმწიფო ტელევიზიის ინფორმაციით, ისრაელის ავიაციამ იერიში მიიტანა დამასკოს გარეუბანში მდებარე სამხედრო კვლევით ცენტრზე.
„ისრაელის ახალი შეტევა ემსახურება ტერორისტების მხარდაჭერას, რომლებიც გონს ვერ მოდიან ჩვენი არმიის წარმატებული იერიშების შემდეგ", - იუწყება სირიის ტელევიზია.
ისრაელის ხელისუფლება, რომელმაც წინა ორი ავიაიერიში გარკვეული დროს შემდეგ დაადასტურა, სირიის მიერ გაკეთებულ განცხადებებზე ჯერ-ჯერობით კომენტარს არ აკეთებს.
„ჩვენ ასეთ ინფორმაციებზე რეაგირებას არ ვახდენთ",- განუცხადა როიტერს ისრაელის არმიის წარმომადგენელმა.
რამდენიმე დღის წინ ისრაელის ავიაციამ სირიის ტერიტორიაზე სამხედრო საწყობი დაბომბა.
ისრაელის ხელისუფლება აცხადებს, რომ ისინი დაინტერესებულნი არიან სირიის ქიმიური იარაღი ტერორისტების ხელში არ მოხვდეს.