აშშ-ის სასაზღვრო და საბაჟო კონტროლის სამსახური ქვეყანაში უცხოეთის მოქალაქების შესვლისას შესავსები დოკუმენტების პროცედურას ცვლის.
როგორც სამსახურის წარმომადგენელმა ჯონ ვაგნერმა განაცხადა, საუბარია I-94 ფორმაზე, რომელიც აუცილებელი წესით, ინგლისურ ენაზე, უნდა შეავსოს აშშ-ში შემსვლელმა უცხოეთის ყველა მოქალაქემ. ამ დოკუმენტში აუცილებელია მიეთითოს პასპორტის მონაცმები, საკონტაქტო ინფორმაცია აშშ-ში ყოფნის დროს.
I-94-ის შევსებას უცხოეთის მოქალაქეებს ჯერ კიევ თვითმფრინავის ბორტზე სთხოვენ, რათა დოკუმენტების შევსებისას არ წარმოიქმნას რიგები.
ახლა კი უცხოელებს, ფორმის შევსება ხელით წერის ნაცვლად კომპიუტერის საშუალებით, ონლაინ რეჟიმში მოუწევთ. სასაზღვრო და საბაჟო სამსახურის წარმომადგენლები კი მხოლოდ პასპორტების სკანირებას მოახდენენ და ქვეყანაში ჩასული უცხოეთის მოქალაქის აუცილებელი მონაცემების ბაზა ფაქტობრივად შევსებული იქნება. პასპორტში "იმიგრაციის ბეჭედს" ჩაარტყამენ, სადაც აღნიშნული იქნება ქვეყანაში შესვლის თარიღი და კატეგორია (სტუდენტი, ტურისტი და ა.შ.), ასევე ვიზის ხანგრძლოვობა.
ორლანდოს აეროპორტი უკვე ემსახურება ქვეყანაში ჩასულებს აღნიშნული პრინციპით. თვის ბოლოსთვის კი ქვეყნის ყველა აეროპორტი და საზღვაო პორტი I-94-ის ავტომატიზირებულ სისტემზე გადავა.