რუსეთის ქალაქ ბელგოროდში მომხდარ მკვლელობებში ბრალდებულ სერგეი პომაზუნს ფისქოლოგიური და ფსიქიატრიული გამოკვლევები ჩაუტარდება. მას უახლოეს დღეებში ფსიქიატრიულ დაწესებულებაში გადაიყვანენ სადაც სპეციალისტები სრულ გამნოკვლევას ჩაუტარებენ.
შეგახსენებთ, რომ რუსეთის ქალაქ ბელგოროდში 22 აპრილს სერგეი პომაზუნმა საკუთარი მანქანიდან, ცეცხლსასროლი იარაღით ცეცხლი გახსნა და გამვლელებს ესროლა. აღნიშნულ ფაქტს 6 მშვიდობიანი მოქალაქე მათ შორის სკოლის მოსწავლე შეეწირა. სერგეი პომაზუნი კი შემთხვევის ადგილიდან მიიმალა, თუმცა მისი ვინაობის იდენტიფიცირება მანქანის ნომრის მიხედვით მალევე მოხერხდა.
ბელგოროდელი ბოროტმოქმედი 23 აპრილს სამართალდამცავებთან შეტაკების შემდეგ დააპატიმრეს, თუმცა დაკავების დროს მან პოლიციელის დანით დაჭრა მოახერხა.
