კანადის ონტარიოს პროვინციის ორ ქალაქში ჰანტსვილსა და ბრეისბრიჯში საგანგებო მდგომარეობა გამოცხადდა.
გავრცელებული ინფორმაციით, აღნიშნულის მიზეზი თოვლის დნობა და გადაუღებელი წვიმები გახდა, რის გამოც ორივე ქალაქში წყლის დონემ საგრძნობლად მოიმატა და მოსახლეობას საფრთხე შეუქმნა.
მდინარეებმა მუსკოვამ და ბლეკმა 500 საცხოვრებელი სახლი და მიმდებარედ არსებული მაღაზიები და ოფისები დატბორა. წყალმა დაფარა ათობით გზა. უსაფრთხოების მიზნების გათვალისწინებით გამორთულია ელექტროენერგია. ევაკურებულია 100-ზე მეტი ადამიანი. მოსახლეობის ევაკუაცია სახიფათო ადგილებიდან ამ დრომდე მიმდინარეობს.
ჰატსვილის მერის განცხადებით, შესაძლოა, უახლოეს 24 საათში ვითარება გაუარესდეს, რისი მიზეზიც წვიმა ხდება. ქალაქისთვის მიყენებული ზიანი 1 მილონ დოლარს აღემატება.
