აშშ-ის ტეხასის შტატის ქალაქ უეტსის ხელისუფლებამ ადგილობრივ მოსახლეობას, მინერალური სასუქების ქარხანაში მომხდარი აფეთქების შემდეგ, სახლებში დაბრუნების უფლება მისცა.
საქალქო საბჭოს წევრის სტივ ვანეკის განცხადებით, ქალაქის ტერიტორია უსაფრთხოა.
აფეთქების პირველ დღეებში, მოსახლეობას ქალაქის განსაკუთრებულად დაზარალებულ ნაწილში ყოფნის უფლება დილის შვიდიდან საღამოს შვიდ სათამდე ეძლეოდა. ქალაქში შეზღუდული იყო ელექტროენერგიის მიწოდება.
შეგახსენებთ, რომ ქარხანაში მომხდარი აფეთქების შედეგად დაიღუპა 36 ადამიანი და 60 დაკარგულად ითვლება. სავარაუდოდ ისინი ნანგრევებში არიან მოყოლილნი.
სულ ზიანი ტექნოლოგიური კატასტროფის შედეგად 200 ადამიანს მიადგა.
დანგრეულია ათობით სახლი, სკოლა, მოხუცებულთა თავშესაფარი.