სერბეთმა და კოსოვომ ევროკავშირის შუამავლობით ურთიერთობების ნორმალიზების შესახებ შეთანხმებას მიაღწიეს.
კოსოვომ დამოუკიდებლობა 2008 წელს ცალმხრივად გამოაცხადა. მრავალმა ქვეყანამ აღიარა კიდეც მისი დამოუკიდებლობა, მაგრამ სერბეთი დღემდე ამის აღიარებაზე უარს აცხადებს. სერბეთის ევროკავშირში გაწევრიანების პირობა კი ის იყო, რომ ბელგრადმა ბალკანეთის ყველა ქვეყანასთან ნორმალური ურთიერთობა უნდა დაამყაროს.
ამის სანაცვლოდ, კოსოვოს ხელისუფლებამ შესაძლოა აღიაროს სერბული მოსახლეობის ავტონომია კოსოვო-მიტროვიცკის ოლქში.
ახლანდელი შეთანხმება დაძაბული მოლაპარაკებების შედეგად იქნა მიღწეული რომელიც ბოლო თვეების განმავლობაში სერბეთის პრემიერ მინისტრს ივიცა დაკიჩსა და კოსოვოს პრემიერ მინისტრს ხაშიმ ტაჩის შორის ბრიუსელში მიმდინარეობდა.
დამკვირვებლები აღნიშნავენ, რომ სერბეთი ალბათ თანხმობას განაცხადებს პრიშტინას უფლებაზე კოსოვოს ჩრდილოეთ ნაწილის მმართველობაზე სადაც სერბები მოსახლეობის უმრავლესობას შეადგენენ. ამის სანაცვლოდ კოსოვომ თანხმობა განაცხადა სერბებისათვის ავტონომიის მინიჭებაზე.
ეს შეთანხმება გზას უხსნის მოლაპარაკებების დაწყებას სერბეთის ევროკავშირში გაწევრიანების შესახებ.
"მოლაპარაკებები დასრულებულია. შეთანხმების ტექსტი ვიზირებულია ორივე პრემიერ-მინისტრის მიერ", _ განაცხადა ევროკავშირის უმაღლესმა წარმომადგენელმა ქეტრინ ეშტონმა, რომელიც მოლაპარაკებებზე შუამავლის როლს ასრულებდა.