ერაყის დედაქალაქში განხორციელებულ ტერაქტს 27 ადამიანი, მათ შორის სამი ბავშვი ემსხვერპლა. თვითმკვლელმა ტერორისტმა თავი ბაღდადის ყველაზე პოპულარულ კაფეში აიფეთქა, სადაც იმ დროისთვის უამრავი ადამიანი იმყოფებოდა.
გავრცელებული ინფორმაციით, აფეთქების შედეგად შენობის მიმდებარე ტერიტორიაზე მყოფი მშვიდობიანი მოსახლეობაც დაშავდა. მომხდარზე პასუხისმგებლობა საკუთარ თავზე ჯერ-ჯერობით არცერთ ტერორისტულ დაჯგუფებას არ აუღია.
შეგახსენებთ, რომ მიმდინარე კვირას ერაყის სხვადასხვა ქალაქში რამდენიმე ტერორისტული აქტი განხორციელდა, რომელსაც 30-ზე მეტი ადამიანი ემსხვერპლა და ასობით დაშავდა.
