,,დღეიდან ჩვენ ყველა ერთად, ახალ ეროვნულ მოძრაობას ვიწყებთ", -განაცხადა აქციაზე სიტყვით გამოსვლისას ,,ნაციონალური მოძრაობის" წევრმა გიორგი ვაშაძემ და აღნიშნა, რომ ახალი ეროვნული მოძრაობა ორიენტირებული იქნება ყოველდღიურ მუშაობასა და ქვეყნის განვითარებაზე.
,,დღეიდან ჩვენ ყველა ერთად ახალ ეროვნულ მოძრაობას ვიწყებთ. Eეს არის ჩვენი მთავარი მიზანი. Aახალი ეროვნული მოძრაობა დაფუძნებულია სამ მნიშვნელოვან პრინციპზე ეს არის ეროვნულ-სახელმწიფოებრივი თავისუფლება, ეს არის პიროვნული და ეკონომიკური თავისუფლება და განვითარება და რაც მთავარია ეს არის გლობალურ სამყაროში საქართველოს ფუნქციის სრულიად ახლებური გააზრება", -განაცხადა ვაშაძემ აქციაზე სიტყვით გამოსვლისას და აღნიშნა, რომ ახალი ეროვნული მოძრაობა ყველა ეთნიკური წარმომავლობის ადამიანს გააერთიანებს.
