"ჩვენი გუშინდელი განცხადების შემდეგ ხელისუფლება გონს მოვიდა და ჩვენი კოლონები შეუფერხებლად მოდიან თბილისისაკენ", _ აცხადებს პარტია "ნაციონალური მოძრაობის" წევრი ირმა ნადირაშვილი.
"როგორ ჩანს ჩვენი გუშინდელი განცხადების შემდეგ ხელისუფლება გონს მოვიდა და ახლა რა რა ინფორმაციებიც მოგვდის რეგიონებიდან ამ ინფორმაციების თანახმად პოლიცია არ აფერხებს ჩვენი კოლონების გადაადგილებას თბილისისკენ და ყველა რეგიონიდან გვაქვს ინფორმაცია, რომ ეს კოლონები შეუფერხებლად მოდიან თბილისისკენ", _ აცხადებს ნადირაშვილი. თუმცა მისივე თქმით, "ეს არ ნიშნავს, რომ ყველაფერი წესრიგშია".
"ადგილებზე, საჯარო დაწესებულებებში და კერძო სტრუქტურებში დადიან ზედამხედველები და პირდაპირ ხელს აწერინებენ ადამიანებს, რომ ისინი დღეს არ წავლენ აქციაზე",_ აცხადებს ნადირაშვილი.
