"უკრაინის ექს-პრეზიდენტი ვიქტორ იუშჩენკო საქართველოში 2011 წლის 6 აპრილს არ იმყოფებოდა, თუმცა მზადაა საქართველოს ბიუჯეტისათვის იმ 400 აშშ დოლარის კომპენსაცია მოახდინოს, რომელიც თითქოს პრეზიდენტმა სააკაშვილმა მის მიღებაზე დახარჯა", _ განცხადება ამის შესახებ განცხადება ვიქტორ იუშჩენკოს პრესმდივანმა ირინა ვანნიკოვამ "უკრაინულ პრავდასთან" საუბარში, საქართველოს პრეზიდენტის მიხეილ სააკაშვილის ბრალდებების კომენტირებისას გააკეთა.
"ექს-პრეზიდენტ ვიქტორ იუშჩენკოს 6 აპრილის სამუშაო გრაფიკი ასეთი იყო: ვიქტორ იუშჩენკო პარტია "ნაშა უკრაინას" პოლიტსაბჭოს პრეზიდიუმის სხდომას ატარებდა და პარტიის სხდომას თავმჯდომარეობდა. ასე, რომ იმ დღეს ვიქტორ იუშჩენკო თავის ოფისში, კიევში იმყოფებოდა", _ აცხადებს ვანნიკოვა.
მისივე თქმით: "2011 წლი 6 აპრილს ვიქტორ იუშჩენკო საქართველოში არ იმყოფებოდა და კიევში მუშაობდა. მინდა ვუარყო ყველა ინსინუაცია, რომელიც ამ სიტუაციაში იუშჩენკოს გვართანაა დაკავშირებული", _ განაცხადა პრესმდივანმა და აღნიშნა, რომ პრეზიდენტ იუშჩენკოს ინსტიტუტი მზადაა საქართველოს ბიუჯეტისათვის და საქართველოს პარლამენტისათვის იმ 400 აშშ დოლარის კომპენსაცია მოახდინოს, რომელიც თითქოს პრეზიდენტმა სააკაშვილმა თითქოს მის მიღებაზე დახარჯა.
"იმედი მაქვს, რომ 400 აშშ დოლარი, რომლებიც ჩვენ მზად ვართ ჰუმანიტარული დახმარების სახით გადავცეთ, დაეხმარება ქართველ პარლამენტარებს დაძლიონ ქვეყანაში არსებული კორუფცია და თავი არ შეირცხვინონ დალეული ჩაისა და გახარჯული საპნის გამო",_ განაცხადა იუშჩენკოს პრემდივანმა და დასძინა ისიც, რომ უკრაინული მხარე მზადა ასევე "ყველაფერს დაამატოს ერთი ქილა თაფლი, მურაბა, საპონი და შამპუნი".
