სეპარატისტული აფხაზეთის ტერიტორიაზე 5000 ათასი რუსული რუბლის ყალბი ბანკნოტები აღმოაჩინეს. ინფორმაციას ამის შესახებ აფხაზური მედია ავრცელებს.
მათივე ინფორმაციით, ბანკნოტების რეალიზება საცალო და საბითუმო ვაჭრობის ქსელში იყო გაშვებული. აღნიშნულია, რომ ყალბი ფული ძალიან მაღალი ხარისხით გამოირჩეოდა.
აფხაზური მედია ასევე აღნიშნავს, რომ აფხაზეთის ე.წ. ბანკი ყველა საწარმოსა და დაწესებულებას რეკომენდაციას აძლევს დეტექტორების მეშვეობით შეამოწმოს ყველა ბანკნოტი.
ამას გარდა, მოსახლეობას ასევე მიეცა რეკომენდაცია, თავის დაზღვევის მიზნით აფხაზეთის ე.წ. ბანკის საკრედიტო ორგანიზაციებს მიაკითხონ და ბანკნოტები შეამოწმონ, ხოლო ყალბი ფულის აღმოჩენის შემთხვევაში ე.წ. სამართალდამცავ ორგანიზაციებს დაუყოვნებლივ მიმართონ.
მასალის გამოყენების პირობები
