კობა დავითაშვილი ,,ნაციონალების" მოთხოვნას უერთდება. როგორც ,,რუსთავი-2"-თან საუბარში კოალიცია ,,ქართული ოცნების" წევრმა კობა დავითაშვილმა განაცხადა იგი ეთანხმება ,,ნაციონალური მოძრაობის" მოთხოვნას შეჩერდეს გამოძიება აგვისტოს ომთან დაკავშირებით, თუმცა იმ პირობით თუ საქმეს ჰააგის სასამართლო გამოიძიებს.
,,სააკაშვილის პროკურორმა დაიწყო ამ საქმის გამოძიება და კბილაშვილი უბრალოდ აგრძელებს და რომ არ გააგრძელოს და შეაჩეროს გამოძიება რასაც დაჟინებით ითხოვს ბატონი სააკაშვილი მაშინ გამოძიებას დაიწყებს ჰააგის ტრიბუნალი. თუ სააკაშვილი და ,,ნაციონალური მოძრაობა" კიდევ ერთხელ დაჟინებით მოითოვს ამ გამოძიების შეჩერებას მე შეუერთდები ამ მოთხოვნას და მოვითხოვ გამოძიების შეჩერებას, ოღონდ შემდეგ ამის გამოძიებას დაიწყებს ჰააგის ტრიბუნალი", _განაცხადა დავითაშვილმა და აღნიშნა, რომ ამ შემთხვევაში ქვეყნისა და სააკაშვილის საქმე უფრო ცუდად იქნება.
შეგახსენებთ, რომ ,,ნაციონალური მოძრაობა" ხელისუფლების ინიციატივას აგვისტოს ომის გამოძიებასთან დაკავშირებით არ ეთანხმებიან. როგორც საპარლამენტო უმცირესობის წევრები აცახდებენ, ქართული მხარე რუსეთის აგრესიის მსხვერპლი გახდა და არ აპირიქით. მათი განაცხადებით, ამ თემაზე გამოძიების დაწყება რუსეთის ინტერესების გატარებას ემსახურება.
