საგარეო საქმეთა მინისტრი მაია ფანჯიკიძე ოფიციალური ვიზიტით სომხეთის რესპუბლიკას ეწვია.
ვიზიტის ფარგლებში, შეხვედრები სომხეთის პრეზიდენტთან, პრემიერ-მინისტრთან, ეროვნული ასამბლეის თავმჯდომარესთან და საგარეო საქმეთა მინისტრთან გაიმართა.
შეხვედრებზე მხარეებმა საქართველოსა და სომხეთის რესპუბლიკას შორის ორმხრივი და მრავალმხრივი თანამშრომლობის აქტუალური საკითხები განიხილეს.
"ჩვენ ვილაპარაკეთ ძალიან ბევრ თემაზე, რომელიც ჩვენს ორ ქვეყანას აწუხებს და გარდა ამისა, რასაკვირველია, მრავალმხრივ ფორმატებზე. განსაკუთრებით კი, იმის თაობაზე თუ რა პროგრესი აქვს სომხეთს, რა პროგრესი აქვს საქართველოს ევროკავშირთან მოლაპარაკების კუთხით", - განაცხადა მაია ფანჯიკიძემ.
მისი თქმით, საუბარი შეეხო ასევე, რუსეთთან ურთიერთობის საკითხებსაც.