საქართველოს პრეზიდენტმა მიხეილ სააკაშვილმა პრემიერ-მინიტრ ბიძინა ივანიშვილის განცხადება აგვისტოს ომის გამოძიების შესახებ კიდევ ერთხელ გააკრიტიკა. როგორც მან ვარშავაში, ევროპის კოლეჯის სტრუდენტებთან შეხვედრისას აღნიშნა, ნახევრად ოკუპირებული ქვეყნის მთავრობის ხელმძღვანელი ზუსტად იმ ტექსტს იმეორებს, რომელსაც თავად ოკუპანტი ყვება.
"ორი დღის წინ, საქართველოს არჩეულმა პრემიერ-მინისტრმა განაცხადა, რომ დაიწყება 2008 წლის ომის გამოძიება და უკვე გამოიტანა ვერდიქტი, რომ ჩემმა მთავრობამ დაიწყო ომი და ქვეყანა, რომელშიც შემოიჭრა უცხო ქვეყნის ჯარი, არის დამნაშავე. წარმოიდგინეთ, გერმანიის შემოჭრის შემდეგ პოლონეთის მთავრობას გაეკეთებინა მსგავსი განცხადება", - განაცხადა სააკაშვილმა.
მისი თქმით, საუბარია ასევე, მის პირად დასჯაზეც, თუმცა, ეს ნაკლებად მნიშვნელოვანია.
"საქმე ეხება ჩემი ქვეყნის ტერიტორიულ მთლიანობასა და სუვერენიტეტს. ნახევრად ოკუპირებული ქვეყნის მთავრობის ხელმძღვანელი, რომელსაც ჰყავს ნახევარი მილიონი იძულებით გადაადგილებული პირი, იმეორებს ზუსტად იმ ტექსტს, რომელსაც ყვება თავად ოკუპანტი", - აღნიშნა პრეზიდენტმა.
პროკურატურაში აგვისტოს ომის შემსწავლწელი საგამოძიებო კომისიის შექმნის შესასხებ 11 აპრილს, მთავარმა პროკურორმა არჩილ კბილაშვილმა განაცხადა. მისი თქმით, ამ თემაზე შესაძლოა, დაიკითხოს პრეზიდენტი და ყველა ის პირიც, ვის დაკითხვასაც გამოძიება გადაწყვეტს.
