12 აპრილს, საგარეო საქმეთა მინისტრი მაია ფანჯიკიძე ოფიციალური ვიზიტით სომხეთის რესპუბლიკას ეწვია. ვიზიტის ფარგლებში, შეხვედრები შედგა სომხეთის რესპუბლიკის პრეზიდენტთან სერჟ სარგსიანთან, პრემიერ-მინისტრთან ტიგრან სარგსიანთან, ეროვნული ასამბლეის თავმჯდომარესთან ჰოვიკ აბრაჰამიანთან და საგარეო საქმეთა მინისტრთან ედვარდ ნალბანდიანთან.
შეხვედრებზე მხარეებმა განიხილეს საქართველოსა და სომხეთის რესპუბლიკას შორის ორმხრივი და მრავალმხრივი თანამშრომლობის აქტუალური საკითხები და ორ ქვეყანას შორის არსებული ურთიერთობების შემდგომი პერსპექტივები.
მხარეებმა ხაზი გაუსვეს მეგობრული და კეთილმეზობლური ურთიერთობების ფარგლებში არსებულ თანამშრომლობას და მზადყოფნა გამოხატეს, ხელი შეუწყონ მათ გაღრმავებას.
მხარეები შეთანხმდნენ, რომ უფრო მეტად განავითარებენ თანამშრომლობას ისეთი მნიშვნელოვანი მიმართულებებით, როგორიც არის ეკონომიკის, ენერგეტიკის, ტრანსპორტისა და კულტურის სფეროები.