პარლამენტის თავმჯდომარემ დავით უსუფაშვილმა ,,საერთო სასამართლოების შესახებ" კანონპროექტთან დაკავშირებით საპარლამენტო უმრავლესობის პოზიცია წარმოადგინა. როგორც ჟურნალისტებთან უსუფაშვილმა განაცხადა მოსამართლეთა კონფერენციის მიერ ასარჩევ წევრებს აირჩევს მოსამართლეთა კონფერენცია.
,,ჩვენ პრაქტიკულად სრულად მივყვებით ვენეციის კომისიის დასკვნას ამ საკითხზე და იუსტიციის საბჭოს ფორმიერების ორივე ნაწილში მოსამართლეთა კონფერენციისა და პარლამენტის მიერ სრულად ვიზიარებთ ამ რეკომენადაციებს. შესაბამისად მოსამართლეთა კონფერენციის მიერ ასარჩევ წევრებს აირჩევს მოსამართლეთა კონფერენცია. იუსტიციის საბჭოს 15 წევრიდან, ჩვენი მოდელით, რომელიც მომავალ კვირას გავბა პარლამენტში უფლებამოსილება შეუწყდება იმ ექვს წევრს, რომელთაგან ოთხი პარლამენეტის მიერ იყო დანიშნული და ორი პრეზიდენტის მიერ. დარჩენილი ცხრა წევრიდან უფლებამოსილებას შეინარჩუნებს უზენაესი სასამართლოს თავმჯდომარე და კიდევ ერთი წევრი, რომელიც აკმაყოფილებს იმ კრიტერიუმებს, რომელიც ახალი კანონმდებლობით დგინდება. რაც შეეხება მოსამართლეთა კონფერენციის მიერ არჩეულ დანარჩენ წევრებს მათ უფლებამოსილება შეუწყდებათ, მაგრამ საშუალება ექნებათ მოსამართლეთა კონფერენციაზე საკუთარი კანდიდატურები დაასახელონ კვლავ და თუ კოლეგების მხარდაჭერა ექნებათ კვლავ დაბრუნდებიან იუსტიციის საბჭოში", -განაცხადა უსუფაშვილმა.
