მთავრობის კანცელარიაში ამ წუთებში მთავრობის სხდომა მიმდინარეობს. მთავრობის სხდომაზე რამდენიმე საკითხი განიხილება. მათ შორის, სტიქიით მიყენებული ზარალის სალიკვიდაციო-სარეაბილიტაციო სამუშაოები იქნება.
როგორც სხდომის დაწყების წინ ენერგეტიკის მინისტრმა კახა ხალაძემ აღნიშნა, სტიქიის შედეგად მოსახლეობისთვის მიყენებული ზარალი 1 მლნ ლარით გაიზარდა.
მისი თქმით, დამატებით, მცხეთის რაიონში კერძო სახლები დაზიანდა, ზიანია სამეგრელოს რეგიონში.
"მიმდინარეობს უკვე აღდგენითი სამუშაოები და უახლოეს მომავალში დასრულდება. ასევე მინდა ვთქვა, დაკარგული მეთევზის გვამი ნანახია უკვე. კიდევ ერთხელ მინდა მწუხარება გამოვთქვა და მივუსამძიმრო მის ოჯახს", - განაცხადა კალაძემ.
აჭარაში რამდენიმე დღის წინ სტიქიის შედეგად, 55 წლის მეთევზე დაიკარგა.