"საერთო სასამართლოების შესახებ" კანონპროექტთან დაკავშირებით საპარლამენტო უმცირესობის წევრი გიორგი ბარამიძე ვენეციის კომისიის რეკომენდაციების გათვალისწინებას ითხოვს.
როგორც მან დღეს გამართულ პრესკონფერენციაზე აღნიშნა, უმცირესობის ვარიანტია, რომ ვენეციის კომისიის დასკვნები სრულად იქნეს გათვალისწინებული.
"ჩვენი ვარიანტია, რომ ვენეციის კომისიის რეკომენდაცია საბჭოსთან მიმართებაში იქნას სრულად დაცული, რომ საბჭო არ დაიშალოს ვადაზე ადრე, რომ რა ის ვადა, რა ვადაც აქვს განსაზღვრული მუშაობისთვის ამჟამად არსებულ იუსტიციის საბჭოს ეს ვადა შენარჩუნდეს და მისმა წევრებმა შეძლონ თავისი ვადა, რა ვადითაც ისინი არიან არჩეული იუსტიციის საბჭოში ამოწურონ", - განაცხადა ბარამიძემ.
"საერთო სასამართლოების შესახებ" კანონპროექტთან დაკავშირებული კონსულტაციები დღეს იუსტიციის სახლში გაიმართა. კონსულტაციები უშედეგოდ დასრულდა.
აღნიშნულ კანონპროექტს დეპუტატებმა კენჭი 3 აპრილს უნდა უყარონ.
