ხვალ, 28 მარტს 10:00 საათზე, სასტუმრო „ქორთიარდ მარიოტში" ამერიკის შეერთებული შტატების ელჩი საქართველოში რიჩარდ ნორლანდი საერთაშორისო რესპუბლიკური ინსტიტუტის მიერ ორგანიზებულ ქალთა პოლიტიკურ ყრილობას დაესწრება.
ამერიკის საელჩოს პრესსამსახურის ინფორმაციით, ამერიკის მთავრობა, აშშ-ის საერთაშორისო განვითარების სააგენტოს მეშვეობით, პოლიტიკაში ქალთა აქტიურ მონაწილეობას უჭერს მხარს.
ყრილობაში მონაწილეობისთვის ლიდერი და ახალგაზრდა პოლიტიკოსი ქალბატონები არიან მიწვეულნი, რომლებიც ერთმანეთს გამოცდილებას გაუზიარებენ, იმსჯელებენ პარტიებს შორის თანამშრომლობაზე და სამომავლო კავშირების შესაძლებლობებს დასახავენ.
კონფერენციის ძირითადი თემებია - „როგორ ვიყოთ პარტიის პრესსპიკერი," „გამოწვევები ქალბატონებისთვის პოლიტიკური კამპანიის წარმოებისას" და „ქალები მთავრობაში: უცხოური პერსპექტივა."