საგარეო საქმეთა მინისტრი მაია ფანჯიკიძე თურქეთის საგარეო საქმეთა მინისტრ აჰმედ დავითოღლუს შეხვდა.
შეხვედრის დასრულების შემდეგ მინისტრებმა ერთობლივი პრესკონფერენცია გამართეს.
მაია ფანჯიკიძემ თურქეთისა და საქართველოს ურთიერთობის მნიშვნელობაზე ისაუბრა და აღნიშნა, რომ დღევანდელ შეხვედრაზე ორ ქვეყანას შორის არსებული თანამშრომლობის ყველა მნიშვნელოვან საკითხს შეეხნენ.
მისი თქმით, ისაუბრეს ასევე, ერთობლივ რეგიონულ პროექტებზე და მრავალმხრივ ფორმატში მჭიდრო თანამშრომლობის საკითხებიც განიხილეს.
როგორც აჰმედ დავითოღლუმ განაცხადა, საქართველო თურქეთის ეკონომიკური პარტნიორია და იმედოვნებს, რომ ეს მეგობრობა და პარტნიორობა კვლავაც გაგრძელდება.
მისი თქმით, ხვალ ბათუმში საქართველოს, აზერბაიჯანისა და თურქეთის საგარეო საქმეთა მინისტრების სამმხრივი მინისტერიალი გაიმართება, სადაც სამივე მხარე ხელს მოწერს ტრაპიზონის დეკლარაციას.
აღნიშნული დეკლარაცია სამი ქვეყნის ურთიერთთანამშრომლობის მნიშვნელოვან მიმართულებებს - ეკონომიკის, ენერგეტიკის, ინფრასტრუქტურის, ტრანსპორტის, კულტურისა და ჰუმანიტარულ სფეროებში ასახავს.
