,,საგარეო საქმეთა მინისტრი რუტინულად მუშაობს", _ამის შესახებ, ,,პირველი რადიოს" პრესკლუბში სტუმრობისას საქართველოს ყოფილმა ელჩმა იტალიაში კოტე გაბაშვილმა განაცხადა და აღნიშნა, რომ მაია ფანჯიკიძე საუბარი უჭირს, რადგან ის დიდი ხნის განმავლობაში მასთან მუშაობდა.
„ადამიანურად მიჭირს ბევრი ლაპარაკი იმიტომ, რომ ის დიდი ხანი მუშაობდა ჩემთან. ის რუტინულად მუშაობს. არაფერი განსაკუთრებული არ გაუკეთებია, არც ცუდი და არც კარგი. ეს არის მუშაობის ერთ-ერთი ხერხი, რომელიც არსებობს დიპლომატიაში - რუტინული მუშაობა. მასზე არ არის დამოკიდებული, მას არ მინდა ჩამოვკიდო სიმძიმე, ის ასრულებს იმას რა დავალებასაც იღებს მთავრობისგან, ხელისუფლებისგან. რაღაცეები არ მომეწონა. არ იფიქროთ, რომ როცა „ნაციონალური მოძრაობა" იყო ხელისუფლებაში მაშინაც ასე არ ვფიქრობდი. ზოგი კარგი მინისტრი იყო, ზოგი ცუდი" - განაცხადა კოტე გაბაშვილმა.