რუსეთის არმიამ ხარკოვზე მართვადი ავიაბომბებით იერიში მიიტანა, რის შედეგადაც საცხოვრებელი სახლი სრულად დაინგრა. არიან დაღუპულები და დაშავებულები.
ამის შესახებ ხარკოვის მერმა იგორ ტერეხოვმა განაცხადა.
მისი ინფორმაციით, რუსული მართვადი საავიაციო ბომბების დარტყმები ქალაქის სლობოდისა და ნემიშლიანის რაიონებში, კერძო დასახლებებში დაფიქსირდა.
ტერეხოვის ცნობით, მანემიშლიანის რაიონში ერთი ადამიანი დაიღუპა, სლობოდას რაიონში კი 9 ადამიანი დაშავდა.
ხარკოვის საოლქო სამხედრო ადმინისტრაციის ხელმძღვანელის, ოლეჰ სინეგუბოვის ინფორმაციით, ხარკოვის სლობოდას რაიონში დარტყმა კერძო სახლებზე დაფიქსირდა. დაზიანებულია დაახლოებით 10 საცხოვრებელი სახლი, საოფისე შენობები, საგანმანათლებლო დაწესებულება და სულ მცირე 6 ავტომობილი.
ხარკოვის საოლქო სამხედრო ადმინისტრაციის ინფორმაციით, რუსეთის მიერ ქალაქზე საავიაციო ბომბებით განხორციელებული დარტყმის შედეგად დაშავებულთა რაოდენობა 17-მდე გაიზარდა.
