საპარლამენტო უმცირესობის წევრის მარიამ საჯაიას განცხადებით, კარგი იქნება თუ პრეზიდენტი "საერთო სასამართლოების შესახებ" კანონპროექტს ვეტოს დაადებს.
როგორც მან "პრაიმ-ტაიმის" პრესკლუბში განაცხადა, "საერთო სასამართლოების შესახებ" კანონის მიღებით, ხელისუფლება სამართლოზე ზეგავლენის მოპოვებას ცდილობს.
მისი თქმით, არ გაითვალისწინა ვენეციის კომისის დასკვნა და იუსტიციის უმაღლესი საბჭოს დაკომპლექტების წესს ცვლის.
"შაქართველოს პარლამენტში შემოსულია კანონპროექტი "საერთო სასამართლოების შესახებ". არსებული კანონპროექტის მიხედვით, უნდა დაიშალოს იუსტიციის უმაღლესი საბჭო და იცვლება ასევე დაკომპლექტების წესიც. ამასთან დაკავშირებით, არაერთი განცხადება გაკეთდა საერთაშორისო ორგანიზაციების მიერ', - განაცხადა საჯაიამ.
მისივე თქმით, ვენეციის კომისიის დასკვნა, არსებულ კანონპროექტში გარკვეულ ცვლილებებს მოითხოვს, თუმცა უმნიშვნელოვანესი რეკომენდაციების ნაწილი გათვალისწინებული არ არის.
საჯაიას განცხადებით, აღნიშნული კანონპროექტით ფაქტიურად, ვენეციის კომისიის დასკვნის უგულებელყოფა ხდება.