,,საერთო სასამართლოების შესახებ" კანონში შესტან ცვლილებებს დეპუტატები სამ აპრილს განიხილავენ. ამის შესახებ ჟურნალისტებთან პარლამენტის წესებისა და საპროცედურო საკითხთა კომიტეტის თავმჯდომარემ ირინა იმერლიშვილმა განაცხადა.
,,საერთო სასამართლოების შესახებ" ცვლილებებს განვიხილავთ სამ აპრილს, როდესაც არის პლენარული სხდომა", _განაცხადა იმერლიშვილმა.
საპარლამენტო უმცირესობის განმარტებით, იმ შემთხვევაში თუ ,,საერთო სასამართლოების შესახებ" კანონპროექტი არსებული რედაქციით გავა სესიაზე ისინი მხარს არ დაუჭერენ.
შეგახსენებთ, რომ დღეს პარლამენტში რიგგარეშე სესია გაიმართება. დეპუტატები სხვა საკითხებთან ერთად, საკონსტიტუციო ცვლილებებს მესამე მოსმენით უყრიან კენჭს. მთავარი მიზეზი რის გამოც პარლამენტის თავმჯდომარემ პრეზიდენტს რიგგარეშე სესიის ჩატარების მოთხოვნით მიმართა საკონსტიტუციო ცვლილებები და საერთო ,,სასამართლოების შესახებ" კანონპროექტს მესამე მოსმენით განხილვა იყო. თუმცა ამ უკანასკნელის განხილვა სამ აპრილამდე გადაიდო.
