ჩინეთის სახელმწიფოს ახალი მეთაური სი ცზინპინი რუსეთში თავისი პირველი საზღვარგარეთული ტურნეს ფარგლებში ჩადის. ინფომაციას ამის შესახებ "ბი-ბი-სი" ავრცელებს. თავისი ვიზიტის წინ მან ჩინეთსა და რუსეთს უმნიშვნელოვანესი სტრატეგიული პარტნიორები უწოდა.
აღსანიშნავია, რომ საქონელთბრუნვამ ორ ქვეყანას შორის გასულ წელს 88 მილიარდ აშშ დოლარს მიაღწია. სხვა და სხვა მონაცემებით სი ცზინპინი რუსეთის პრეზიდენტთან ვლადიმერ პუტინთან შეხვედრას გეგმავს სადაც მათ რუსეთისა და ჩინეთის დამაკავშირებელი მილსადენის პროექტი უნდა განიხილონ.
მოსალოდნელია ასევე, რომ ორი ქვეყნის ლიდერმა სირიაში მიმდინარე სამოქალაქო ომის და ჩრდილოეთკორეის ბირთვული პროგრამა განიხილონ.
